Nag-isyu sang freeze order ang Court of Appeals batuk sa bank accounts kag propedad ni Kingdom of Jesus Christ (KOJC) founder Apollo Quiboloy kag 9 nga kaupdanan sini.
Base sa resolusyon gin-isyuhan sang appellate court sang freeze order ang 10 bank accounts sang pastor, kalakip ang 7 niya nga real properties, 5 salakyan kag 1 eroplano.
Sunbong man ang mga bank account sang KOJC kag Swara Sug Media Corporation nga naga-operate sang Sonshine Media Network International (SMNI), ang media arm sang KOJC.
Suno sa korte, nakakita ini sang resonable nga basehan agud patihan nga ang bank accounts ni Quiboloy ang kalakip sa indi lehitimo nga aktibidad kag mga krimen kaangay sang qualified human trafficking, sexual and child abuse, sex trafficking of children, fraud, conspiracy, marriage fraud, smuggling, money laundering, kag iban pa.
Bangud sini, gilayon na nga mangin epektibo ang freeze order kag magadugay sang 20 diyas.
