Ginmando sang Palasyo Malacañang ang pagsusumite sang courtesy resignation sang tanan nga opisyal sa idalum sang Presidential Communications Office (PCO).
Ini agud mahatagan sang ligwa nga magdesisyon ang bag-o nga PCO Secretary sa pagtindog sang iya mga obligasyon, base sa gin-isyu nga memorandum ni Executive Secretary Lucas Bersamin.
Sakop sang nasambit nga direktiba ang tanan nga Presidential Appointees sa idalum sang PCO nga indi permanente ang appointments.
Mahibaluan nga tubtob lamang Pebrero 28, ang ginhatag nga petsa para sa pagsusumite sang courtesy resignation sang mga concerned official.
Ginmando naman ni PCO Secretary Jay Ruiz nga hugot nga i-monitor ang pagsunod sang PCO officials sa amu nga direktiba.
Matandaan nga ginbuslan ni Ruiz si anay Communications Sec. Cesar Chavez matapos nga magbuya sa pwesto kung sa diin kalakip sa nagapanguna nga direktiba sa idalum sang pagpamuno ni Ruiz sa PCO nga batuan ang disinformation.
