ROXAS CITY-Naglab-ut na sa 714 ang kabug-osan nga kaso sang corona virus disease 2019 ukon COVID-19 sa probinsiya sang Capiz
Sandig sa ginpaguwa nga case bulletin sang Capiz Provincial Health (PHO), nadugangan sang 6 ka mga panibag-o nga kaso ang probinsiya kun sa diin 4 diri ang nagikan sa Roxas City kag tig-isa sa banwa sang Panay kag Dumalag.
Sa kabug-osan nga mga nagpositibo, 186 diri ang mga suspect case, 104 ang mga Locally Stranded Individuals (LSI), 39 ang mga Returning Overseas Filipinos (ROF), 319 ang mga High Risk Contacts, kag 66 ka iban pa nga mga indibidwal.
104 diri ang ginakabig mga active cases ukon padayon nga ginabulong sa mga ospital.
Samtang naglab-ut na sa 570 ang mga nag-ayo na sa amo nga balatian kag nagapabilin sa 40 ang ginbawian na sang kabuhi.
