ROXAS CITY-Naglab-ut na sa 130 ang kabug-osan nga kaso sang COVID-19 sa Roxas City ini matapos nga nadugangan ang 6 ka mga panibag-o nga kaso kahapon nga adlaw.
Sandig sa ginpaguwa nga official statement ni Roxas City Mayor Dadivas ginpahayag sini ang mga nagpositibo nga indibidwal ang ginakalakipan sang mga masunod.
CASE # 125: 53-anyos nga babayi nga residente sang Barangay Tiza, Roxas City kag ginakabig nga High Risk Contact sang nauna nga nagpositibo sa COVID-19.
CASE # 126: 57-anyos nga lalaki nga residente sang Barangay Baybay, Roxas City kag ginakabig man nga High Risk Contact sang nagpositibo sa amo nga sakit.
CASE #127: 53-anyos nga babayi nga residente sang Barangay Baybay, Roxas City kag ginakabig man nga High Risk Contact sang nagpositibo sa amo nga sakit.
CASE #128: 22-anyos nga babayi nga residente sang Barangay Cabugao,Roxas City. Ginpaidalom sa home quarantine humalin sang Agosto 21 bangod nakabatyag sang sintomas.
CASE # 129: 20-anyos nga babayi nga residente sang Barangay Tiza Roxas City kag close contact sang nagpositibo sa amo nga sakit.
Case # 130: 48-anyos nga lalaki nga health worker sa isa ka pribado nga ospital kag residente sang Barangay Mongpong, Roxas City.//
Gindugang pa ni Dadivas nga 45 diri ka mga nagpositibo ang mga active cases ukon padayon nga ginabulong sa ospital kag nagapabilin nga 12 ang ginbawian na sang kabuhi.
