ROXAS CITY-Naglab-ut na sa 224 ang kabug-osan nga kaso sang corona virus disease 2019 ukon COVID-19 sa siyudad sang Roxas.
Sandig sa ginpaguwa nga official statement ni Roxas City Mayor Ronnie Dadivas, 16 ka mga panibag-o nga kaso ang nagdugang subong nga adlaw.
Ang mga nagpositibo ang ginakalakipan sang mga masunod:
1.29-anyos nga health worker sa pribado nga ospital kag residente sang Barangay Lawaan, Roxas City apang temporaryo nga nagapuyo sa Hemingway St. Brgy.XI, Roxas City.
2.46-anyos nga lalaki nga health worker sa Provincial Government kag residente sang Fuentes Subdivision, Barangay XI, Roxas City.
3.47-anyos nga babayi kag residente sang Fuentes Subdivision Barangay. XI, Roxas City kag close contact sang nauna nga nagpositibo sa nasambit nga balatian.
4. 63-anyos nga lalaki kag residente sang Sitio Dima, Barangay Cagay, Roxas City kag close contact sang positibi sa Sitio Carbel, Barangay X sining siiyudad.
5.40 anyos nga lalaki nga residente sang Sitio San Isidro Barangay Lonoy, Roxas City. Isa ka manunudlo sa pribado nga eskwelahan kag nangin close contact sang nagpositibo nga health worker.
6. 78-anyos nga babayi nga residente sang Sitio San Isidro Barangay Lonoy, Roxas City kag close contact sang nagpositibo nga health care worker.
7. 55-anyos nga babayi nga government employee sa Barangay Lanot apang residente sang Sitio San Isidro Barangay. Lonoy, Roxas City kag kalapit balay sang health care worker nga nagpositibo sa nasambit nga balatian.
8. 46-anyos nga lalaki nga residente sang Sitio Luyo, Barangay Culasi, Roxas City. Siya isa ka barangay official kag manunudlo sa pribado nga eskwelahan sa syudad.
9. 50-anyos nga babayi nga residente sang Sitio Luyo, Barangay. Culasi, Roxas City. Siya isa man ka manunudlo sa pribado nga eskwelahan sa syudad kag kapamilya sang isa ka barangay frontliner.
10. 37-anyos nga lalaki nga residente sang Estonilo Subdivision San Roque Street Barangay. Inzo Arnaldo Village, Roxas City. Isa ka frontliner sa City Government nga nangin close contact sang positive case.
11. 57-anyos nga lalaki nga residente sang Green Earth Village, New Road Barangay Mongpong, Roxas City. Isa ka frontliner sa City Government nga nangin close contact sang positive case.
12. 63-anyos nga babayi nga residente sang Daliva Subdivision Barangay Tanque, Roxas City. Siya close contact sang una nga positive case.
13. 52-anyos nga babayi nga helper sa balay sang nauna na nga nagpositibo sa nasambit nga balatian nga residente sa Highway, Brgy. Banica, Roxas City.
14. 71-anyos nga manunudlo sa isa pribado nga elementary school sa syudad kag residente sang Hemingway, Barangay Tiza, Roxas City.
15. 35-anyos nga lalaki nga nagatrabaho bilang laborer kag residente sang Barangay Mongpong Dulunan, Roxas City kun sa diin may una na narekord nga positive case.
16. 23-anyos nga lalaki nga nagatrabaho bilang mason sa guinatukod nga establisemento komersyal sa Arnaldo Blvd Barangay Baybay.Siya isa ka APOR nga na gikan sa Luzon kag kapamilya sang una na nga nagpositibo.
Gin-athag ni Dadivas nga ang 16 ka mga nagpositibo ang ginpaidalom na sa strict quarantine antes nagguwa ang resulta sang RT-PCR Test.
Sa karon may yara sang 87 ka mga active cases ukon padayon nga ginabulong ang siyudad, 117 ang nag-ayo na sa nasambit nga balatian kag 21 na ang ginbawian na sang kabuhi.
