ROXAS CITY -Liwat nga nadugangan ang kompirmado nga kaso sang corona virus disease ukon COVID-19 sa siyudad sang Roxas.
Sandig sa ginpaguwa nga official statement ni Roxas City Mayor Ronnie Dadivas, 6 ka mga panibag-on nga kaso ang napagkit sa siyudad kun sa diin isa diri ang isa ka health worker.
Ang mga nagpositibo ang ginakalakipan sang mga masunod :
1.42-anyos nga lalaki nga health worker sa pribado nga ospital kag residente sang Urban, Barangay Dayao, Roxas City.
2 58-anyos nga lalaki nga residente sang Sitio Proper Barangay Bolo, Roxas City kag high risk contact sang health worker nga una na nagpositibo.
3.57-anyos nga babaye nga residente sang Sitio Proper, Barangay Bolo, Roxas City kag high risk contact sang health worker nga una na nagpositibo.
4. 24-anyos nga babaye nga residente sang Blk. 6 Malipayon Village Barangay Tiza, Roxas City kag Close contact sang positive case.
5. 20-anyos nga lalaki kag residente sang Mason,Barangay Banica, Roxas City kag close contact man sang positive case.
6. 64-anyos nga lalaki kag residente sang Barangay Lawaan, Roxas City. Apang base sa imbestigasyon sang contact tracing team guinpahayag sang opisyal sang Brgy. Lawaan nga ini nga indibidwal madugay na nga wala nagapuyo sa nasambit nga barangay. Ini siya naka-admit subong sa isa ka ospital.
Sa karon may yara na sa 206 ang kabug-osan nga kaso sang COVID-19 sa siyudad kun sa diin 74 diri ang active cases ukon padayon nga ginabulong sa ospital, 112 ang nag-ayo na sa balatian kag 20 ang ginbawian na sang kabuhi.
