-- ADVERTISEMENT --
ROXAS CITY-Padayon nga nagakasa ang kaso sang Coronavirus Disease ukon COVID-19 sa probinsiya.
Sandig sa ginpaguwa nga datos sang Capiz Provincial Health Office kahapon nga adlaw Agosto 25, naglab-ut na sa 126 ang kabug-osan nga kaso sa probinsiya.
Duha ka mga panibag-o nga kaso ang nagpagkit kahapon nga adlaw kun sa diin ginalakipan ini sang 50-anyos nga lalaki nga may yara sang close contact sa nagpositibo sa COVID-19 kag 29-anyos nga frontliner nga lunsay mga residente sang Roxas City.
Naglab-ot sa 27 diri ang ginabulong sa ospital samtang 95 naman ang nakarekober sa nasambit nga balatian.
Samtang, nagapabilin naman sa 4 ang ginbawian sang kabuhi.
-- ADVERTISEMENT --
