Ginkumpirmar ni PCAPT Merry Chris M Dela Cruz, Provincial Information Officer sang Capiz PPO nga wala pa sang may na monitor nga pila ka mga grupo sa probinsya nga nagapatigayon sang rallies, kag mass actions.
Suno kay Dela Cruz nagapabilin nga malinong kag matawhay ang sitwasyon sa bug-os nga Probinsya,kag ang pagmonitor man sang kapulisan sang posible protesta sang grupo nga nagasuporta sa anay presidente.
Gin athag sini nga hatagan nila lugar ang nga nagapatigayon sang rally basta may nagakaigo lamang nga permiso halin sa lokal nga gobyerno nga iga presentar sa atun mga kapulisan.
Matandaan nga Martes sang gab-i, sang ginpaidalom sa “heightened alert” ang mga kapulisan sa pungsod matapos sa pag-kadakop sa anay presidente.
Nagpanugyan si Dela Cruz nga nagapadayon ang ila monitoring sa possible nga pagtilipon sang mga supporters sang anay Presidente nga magapabutyag sang ila mga sentimyento sa natabo.
Ginklaro naman ni PCAPT. Dela Cruz nga wala sang dapat kabalak-an ang pumuluyo apisar nga naka heightened alert ang kapulisan bangud kabahin lang ini sa mga ginapatuman nga security measures sa komunidad.
