-- ADVERTISEMENT --
Liwat nga nakuha sang Creamline Cool Smashers ang kampeonato sa PVL matapos ginlutos ang AKARI sa winner-take-all title game.
Nagpangibabaw ang Creamline sa score nga 25-15, 25-23, 25-17 agud malista ang ika-siyam nga kampeonato.
Samtang, wala naman nakahampang sa Creamline sanday Alyssa Valdez, Tots Carlos, Jema Galanza kag Jia de Guzman bangud sa pag-angkon sang injuries, may national duties ukon yara sa iban nga pungsod.
Ginakabig nga ang Creamline bilang pinakasagad nga team sang PVL bangud ini na ang pang-16th podium finish kag 12th final appearance.
Ginkilala naman bilang finals Most Valuable Player si Bernadeth Pons.
-- ADVERTISEMENT --
