ROXAS CITY – Daku ang gin-nubo sang crime volume sa probinsiya sang Capiz sa pagsugod sang implementasyon sang cufew hours.
Suno kay Police Col. Julio Gustilo Jr., provincial director sang Capiz Police Provincial Office nga kapin sa 59 porsyento sang mga krimen partikular sang mga 8 Focus Crimes nga masami nagakahinabo sa probinsiya ang nauntat kasubong sang murder, homicide, robbery, physical injuries, rape kag theft.
Nagnubo man ang non index crime ukon ang mga operasyon nga nagalapas sa special laws, apang padayon ang ila operasyon batuk sa iligal nga droga.
Pag-abot naman sa reklamo sang pila ka mga concerned citizen angut sa convenient store nga nagapabilin bukas sa pihak nga nagsugod na ang curfew hour kag ang ila pagbaligya sang makahulubog nga ilimnon sa mga bumalakal ginganyat ni Gustilo ang may mga ihibalo nga impormahon ang mga pulis sa area, agud ila ini ma-warningan.
Ginhangkat man ni Gustilo ang publiko, nga indi magpangduha duha nga ipalab-ot sa iya kun may nakita ang mga pumuluyo nga mga katapu sang PNP nga naga-abuso ila nga poder sa pagpatuman sang curfew hour, bangud ini ang ilayon nga paga-aksyunan.
