Ginkumpirmar sang Philippine Embassy sa Israel nga ila na gin-activate ang ila Crisis Management Team agud masabat ang mga kinahanglanon sang mga Pinoy nga apektado sang inaway sa tunga sang Iran kag Israel.
Ini ang ginpangunahan mismo ni Ambassador Aileen Mendiola.
Ang lihok ang nagatuyo nga ma-monitor ang mga developments angut sa nagalala nga tensyon sa tunga sang duha ka pungsod.
Madumduman, ginlunsar sang Iran ang pag-atake sa Israel nga gilayon sini nga ginsabat paagi sa aksyon militar.
Nagdugang pa gid ini sang kabalaka sa kaluwasan kag seguridad sang mga Pilipino nga nagapuyo kag nagatrabaho sa amo nga lugar.
Kaangut sini, ginpasalig ni Ambassador Mendiola nga indi sila mag-untat sa pagkoordinar sa mga otoridad sang Israel kag bisan sa mga otoridad sang Pilipinas para sa gilayon nga bulig kon kinahanglanon.
Gin-engganyo man sini ang mga Pinoy nga magtuman sa guidelines sang IDF Home Front Command kag hatagan sang igtalupangod ang mga abiso sang ila Embahada.
