Target sang Civil Service Commission (CSC) nga magpatuman sang digital exam agud madugangan ang slots sa mga magakuha sang Civil Service examination.
Suno kay CSC Chairman Karlo Nograles, gina-proseso na ang procurement system nga ginatawag nga “CSC-DEX”, para sa computerized kag online Civil Service exam.
Ini ang nakikita nga makadugang sang 100,000 exam slots.
Aminado si Nograles nga apisar pa gina-doble ang exam slots sa 700,000-750,000 kada tuig, indi sa gihapon ini bastante agud masulosyunan ang demand.
Nagalaum man si Nograles nga mabutangan sang CSC-DEX ang tanan nga regional kag field offices.
Ini man ang nakikita nga magaduso sa pagtaas sang numero sang mga Pilipino nga mangin eligible nga magtrabaho sa gobyerno, agud mapun-an ang mga bakante nga posisyon.
