Suportado sang mga katapo sang Cuartero Municipal Police Station ang mga mandato nga ginaptuman sang bang-o nga pamunuan sang Philippine National Police (PNP) nga si Police Major General Nicolas Torre III.
Sa interview sang Bombo Radyo kay Police Captain Alladen Talaban, Hepe sang Cuartero Municipal Police Station, kasunod sang mandato sang bag-o nga pamunuan, ang ila sini nga talatapan ang gilayon man nga nagpatigayon sang mga nagakalasambit nga mga mandato, kaangay sang 5 minutes response sa nagaluntad nga mga insidente.
Dugang pa sini, nagpatigayon man ang ila nga talatapan sang pila ka mga serye sang Simulation Exercises (SIMEX) agud masiguro ang kaayusan kag preparasyon sang tagsa ka mga kapulisan may kaangtanan sa pagresponde kag suno pa sa iya, kaya naman sang ila nga kawsa ang nasambit nga 5 minutes response.
Sa pihak nga bahin, ginsiling man sang Hepe nga ang Cuartero Municipal Police Station ang padayon sa mga aktibidad para mapabilin ang kalinong kag katawhay sa palibot kaangay sang community engagement, pagpanagtag sang mga pamphlets nga may sulod nga mga impotante nga impormasyon kag mga symposiums.
Nagapadayon man ang programa nga Tokhang Kontra Armas Luthang ukon TKAL, checkpoints, pag-patrolya kag iban pa agud masiguro ang kabilugan nga katawhay sa banwa.
Nahibaluan nga ang Cuartero Municipal Police Station ang ginakabug-usan sang 36 ka mga myembro.
Samtang, nagpalab-ot naman sang mensahe sang pagapsalamat si Talaban sa tanan nga mga pumuluyo sang Cuartero sa kooperasyon sang tagsa-tagsa sa kun ano man ang programa sang mga kapulisan kag sa iya sini nga mga kaupdanan sa pagpangalagad – sa dedikasyon kag kahugod agud mapabilin nga malinong kag matawhay ang banwa sang Cuartero.
