Ginasiguro sang Department of Agriculture nga wala sang sugar importation nga ipatuman tubtob sa katapusan sang first half sang 2026 agud masolbar ang concerns sang local sugar industry.
Sa statement nga ginpaguwa sang Department of Agriculture, ginpahayag nga nagpatigayon sang pagsinapol sanday Agriculture Secretary Francisco Tiu Laurel Jr., Sugar Regulatory Administration (SRA) Administrator Paul Azcona, kag SRA Board Member kag Farmers’ Representative Dave Sanson agud madiskusyonan ang ginakahangaw-an nga manubo nga presyo sang raw sugar sa first sugar bidding sa Negros.
Nagguwa sa diskusyon kaupod ang sugar traders nga may yara sang pagpangduha-duha sa merkado nga nagaresulta sang spekulasyon sang importation program.
Agud nga mabalik ang kumpyansa sa mga mangunguma, millers kag traders, ginsiguro sang mga natungdan sa stakeholders nga wala sang ginaplano nga importasyon sang kalamay tubtob sa katapusan sang milling season, posible sa tunga-tunga sang Mayo kag Hunyo 2026.
