Ginpahayag sang Department of Agriculture nga ang mga minimum wage earners ang nalakip sa P20 nga programa sang bugas sang gobyerno.
Ginhimo sang ahensya ang anunsyo kadungan sang paglunsar sang DA, kaupod sang DOLE, ang nationwide rollout sang programa.
Ang ini nga tikang sang DA kag DOLE bilang pagsunod sa direktiba ni Presidente Ferdinand Marcos Jr., agud mapahagan-hagan ang pinansyal nga palas-anon sang mga Pilipino nga nalakip sa mahuyang nga sektor sang katilingban.
Sa isa ka pahayag, ginhatagan pagtamod ni Agriculture Secretary Francisco Tiu Laurel Jr. nga padayon ang ginahimo nga tikang sang ahensya agud may barato nga pagkaon sa pungsod.
Nagapati si Labor Secretary Bienvenido Laguesma nga dako ini nga bulig para sa mga minimum wage earners ilabi na nga kulang ang ila kita.
Base sa datus sang ahensya, may yara sang ginabanta 120,000 ka mga mamumugon sa pungsod nga may yara sang minimum wage earners gikan sa masobra 500 ka mga establisemento.
