Nagdipensa ang Department of Agriculture (DA) sa pagtawag nga kontra mangunguma ang Executive Order (EO) 6.
Pahayag sang grupo nga SINAG nga dako ang mangin halit sa mga lokal nga mangunguma ang EO bangud maga-resulta ini sa pagbuhin sang mga pondo para sa Rice Competitiveness Enhancement Fund (RCEF).
Suno kay Agriculture Secretary Francisco Tiu Laurel Jr., indi anti-mangunguma ang EO tungod nakasentro ang gobyerno nga ihatag ang mga kinahanglanon sa pondo sa RCEF agud mapauswag ang mga mangunguma.
Gintuad man sini nga nakapreparar ang gobyerno nga pataason ang suporta para sa mga mangunguma pinaagi sa paghatag sang dugang nga mga materyales kag mga abono.
Nagpromisa man ang tiglikom nga balansehon ang mga kinahanglanon sang mga konsyumer kag mangunguma sa tunga sang nagalobo nga sitwasyon sang ekonomiya.
Dugang pa sini nga ang EO amo ang kinahanglan agud mahatag ang mataas nga presyo sang bugas sa mga merkado. Ang makabenepisyo suno diri ang mga konsyumer pinaagi sa temporaryo nga pagnubo sa presyo sang bugas.
