DA, nagpatigayon sang koordinasyon kontra Price Manipulation sa tunga sang Rice Import Ban

Nagapadayon ang hugot nga pagbantay sang Department of Agriculture sa epekto sang temporaryo nga suspensyon sang rice importation nga nag-umpisa sang Lunes.

Suno kay DA Spokesperson Assistant Secretary Arnel De Mesa, kaupod sang Department of Agriculture ang Department of Trade and Industry (DTI), Philippine National Police (PNP), kag mga local government units sa pagpatigayon sang market rounds agud siguruhon nga wala ginaabusar ang presyo sang bugas.

Apisar nagtaas ang presyo sang imported rice, ginpahayag sang opisyal nga nagapabilin nga wala sang pagbag-o sa presyo sang lokal nga commercial rice.

Nagapadayon man ang konsultasyon sa mga importers, retailers, kag iban pa nga stakeholders agud malikawan ang price manipulation.