Plano nga pasangkaron sang Department of Agriculture (DA) ang produksyon sang palm oil sa Mindanao agud mabuhinan ang pag-import kag mapataas ang kita sang mga mangunguma.
Suno kay Agriculture Secretary Francisco P. Tiu Laurel Jr., target sang ahensya nga dugangan ang pondo sa 2027 sa P1.2 billion para sa abono, pagpalapad sang mga talamnan, kag pagpataas sang productivity.
Ginabulubanta naga-income ang mga mangunguma sang palm oil sang doble kun ipaanggid sa lubi, nga may ani nga naglab-ot sa 3.8 metric tons kada ektarya.
Plano man sang Philippine Coconut Authority nga magtukod sang oil palm nurseries sa Caraga region gamit ang de-kalidad nga punla halin sa Malaysia agud mabuhinan ang gastos sa imported materials.
Sa subong, yara sa 100,000 ektarya ang sakop sang oil palm sa pungsod, kadam-an sa Mindanao, kag may 11 ka mga mills kag lima ka mga refinery nga nagasuporta sa industriya.
