Ginatun-an na sang Department of Agriculture ang pagbaligya sang P20-per-kilo nga bugas sa mas madamo pa nga lokasyon sa pungsod.
Kabahin ini sang lihok sang ahensya nga makabaligya sang barato nga bugas sa mas madamo nga mga lugar sa Pilipinas.
Base sa datus sang DA, may yara na karon sang halos 80 ka mga KADIWAs ukon Partners in Spirit and Gawa for Abundant Harvest and High Income Centers nga nagabaligya sang bugas sa balor nga P20 kada kilo.
Lakip diri ang Cebu kag Bacolod ang natukod na samtang magasunod man ang ahensya sa Bohol, Camarines Sur, San Juan kag Navotas City sa Metro Manila.
Nakabase ini sa tinutuyo sang gobyerno nga mapanubo ang presyo sang commercial rice sa merkado suno sa una nga ginsaad ni Presidente Ferdinand Marcos Jr.
Target sang ahensya nga ipatuman ang isa ka nationwide rollout sa Enero 1, 2026.
Sa subong, ang P20-per-kilo nga bugas ang sarang mabakal sa KADIWA Centers kag local government units.
