ROXAS CITY – Ginkompirmar ni Provincial Disaster Risk Reduction and Management Office ukon PDRRMO head Judy Grace Pelaez nga “passable” ang mga dalanon sa pihak sang naeksperiyensyahan nga mga pag-ulan sa probinsya sang Capiz.
Sa interview sang Bombo Radyo kay Pelaez nga wala man sang flashflood ukon landslide nga nagluntad sa mga kabanwahanan sa probinsya.
Apang may pila ka mga kabanwahanan kag kabaranggayan sa gihapon nga ginabaha subong partikular sa Barangay Dayhagon kag Bangonbangon mangin ang banwa sang Pres. Roxas, Capiz.
Ginpahayag ni Pelaez nga nagapadayon sa gihapon ang pag monitor sang ila talatapan sa mga kabanwahanan nga naapektuhan sang mga pagbinaha dala sang Amihan kag LPA sa pungsod.
Samtang, may yara pa sang mga bagyo nga ginalaoman nga magaabot sa pungsod antes magtakop ang tuig 2020.
