Ginpili sang Dallas Mavericks ang 6’9 small forward nga si Cooper Flagg bilang No. 1 overall pick sa 2025 National Basketball Association (NBA) draft.
Si Flagg naghampang sang basketball sa kolehiyo sa Duke University, nga nagahupot sang pila ka mga awards pareho sang National college player of the year (2025), Consensus first-team All-American (2025), USA Basketball Male Athlete of the Year (2022), kag iban pa.
Antes sang NBA draft, naga-average siya sang 19.2 puntos kada hampang, 7.5 rebounds kada hampang, kag 4.2 assists kada hampang.
Nahimo niya man nga maka-post sang 1.4 ka steals kag 1.4 ka blocks kada hampang samtang naga-rehistro sang 31 mins nga hardcourt play.
Sa pagsulod niya sa Dallas Mavericks, makaupod niya ang mga beterano nga NBA player kag mga NBA champion nga sanday Anthony Davis, Klay Thompson, kag Kyrie Irving nga sa subong nagapaayo na gikan sa iya nga Achilles injury.
