PAKISTAN -Nagapati ang gobyerno sang pungsod Pakistan nga mahatagan na sang kasanagan sa gintunaan nga pagtibusok sang A320 airbus plane sa Karachi, Pakistan.
Ini matapos nga narekober sang mga rescue crew ang data recorder sang nasambit nga eroplano.
Suno sa report ni Bombo International Correspondent Fatima Moiz, nga naka-base sa Karachi City, Pakistan nga padayon ang pagtumod sang mga awtoridad sang 97 ka mga bangkay nga narekober sa isa ka residential area sa model colony sa nasambit nga syudad.
Gindugang pa ni Moiz nga sandig sa report nga lunsay mga pakistani ang sakay sang nasambit nga eroplano.
Sa karun padayon pa nga naconfine sa ospital ang duha ka mga survivor sa plane crash.
Samtang kasunod sini, nangin simple lamang ang pagselebrar sang Eid Al Fitr sa Pakistan.
