Naglab-ot na sa 40 ang napatay sa paglugdang sang MV Trisha Kerstin sa Basilan matapos narekober sang mga otoridad ang tatlo pa ka mga bangkay sang mga pasahero.
Suno sa Philippine Coast Guard (PCG), ang mga bangkay nga narekober ang nagikan sa local government area sang Hadji Muhtamad, partikular sa Baluk-Baluk Island, samtang ang isa sa mga bangkay ang nakit-an sa Lantawan Island.
Gilayon naman nga gindala ang bangkay sa Zamboanga City agud makilala kag nagakaigo nga disposisyon.
Samtang, ginpasalig naman sang Maritime Industry Authority (MARINA) nga ila imbestigahan kag repasuhon ang mga pahayag nga ginpahayag sang mga survivors sa insidente nga kulang ang mga life vest, kulang ang ngalan sang mga pasahero, kag ang barko isa ka replacement.
