Nagdangat na sa 32 ang napatay samtang masobra 160 naman ang pilason sa suicide bombing sa ShiiteMuslim mosque sa capital sang Islamabad, Pakistan.
Gin-ako sang Islamic State ang responsibilidad sa pag-atake kag ginlakip ang pangalan kag litrato sang gina-alegar suicide bomber sa mga post nga ila ginpaguwa sa isa ka online messaging app (Telegram).
Suno sa IS, ginluthang sang suicide bomber ang mga gwardya nga nagtuyo nga punggan ini antes ginpalupok ang iya explosive vest.
Sa isa ka pahayag, nagpaandam ang grupo nga madamo pa nga kaangay nga mga pag-atake ang magasunod.
Ginakabig ini nga deadliest attack sa Pakistan halin sang Enero 2023, sang ginbombahan ang isa ka mosque sa northwestern city sang Peshawar, nga nagpatay sang masobra 100 ka tawo.
