-- ADVERTISEMENT --
ROXAS CITY – Preparado na ang delegasyon sang probinsya sang Capiz agud magpakita sang ila tagsa ka mga abilidad sa pagahiwaton nga Palarong Pambansa 2024 sa Cebu City.
Sa interview sang Bombo Radyo kay Mr. Ronnie Reteracion, DepEd-Capiz Sports Coordinator, ginpahayag sini nga yara tanan sa masobra 40 ang magapadulong sa probinsya sang Cebu kalakip na diri ang mga athletes, officials kag couches.
Suno kay Reteracion, sarang makapauli sang madamo nga medalya ang mga atleta bangud antes paman ang Palaro nag-agi ang mga ini sa 30 diyas nga paghanas sa bulig sang ila tagsa ka mga trainer.
Mahibaluan nga patigayunon ang opening ceremony sang Palarong Pambansa sa Hulyo 9 kag magatakop naman sa Hulyo 16.
