-- ADVERTISEMENT --
Patay ang 51-anyos nga food delivery rider matapos mabungguan sang van sa Barangay Hinaplanon, Iligan City sang Lunes.
Makita sa CCTV footage gikan sa isa ka balay ang biktima nga nagatabok sa national highway sakay sa iya motorsiklo halin sa isa ka gamay nga dalan.
Apang sang halos magtabok na ang biktima sa national highway pakadto sa tuo, gulpi lang may nagtuhaw nga van nga nag-overtake kag nabungguan ang biktima.
Bangud sa kabaskugon sang pagkabunggo, nagtabog ang angkas.
Gilayon man ini nga gindala sa ospital apang gindeklarar nga dead on arrival.
-- ADVERTISEMENT --
Sa subong, yara na sa kustodiya sang Traffic Enforcement Unit sang Iligan City Police Office ang driver sang van samtang ginahulat ang pagpasaka sang kaso sang pamilya sang biktima nga rider.
