ROXAS CITY – Ginakabig nga isa ka ordinaryo nga open dumpsite ang naga-exister nga sanitary landfill nga nahamtang sa Sitio Gimba, Barangay San Jose, sining syudad.
Ini kasunod sa ginpatigayon nga inspection sang Department of Environment and Natural Resources (DENR)-Environmental Management Bureau (EMB) matapos ila na-monitor sa Bombo Radyo ang report nga may kabaraw nga napatay makaligad makainum sang tubig sa sapa sa diin nagapaguha sang mga waste water gikan sa sanitary landfill.
Ginpahayag ni Engr. Malon Bonite, supervising environmental management specialist sang DENR-EMB nga wala nagasunod sa minimum requirement ang nasambit nga facilidad sa diin wala nagalayo ini sa open dumpsite.
Nagaguha man sa pag-inspeksyon sang talatapan nga madamo sang kakulangan ang sanitary landfill humalin nga nagsugod ini sang operasyon.
Kapareho na gid lamang sa kagamitan kasubong sang mga bulldozer, loader nga kalakip sa mga rekisitos kag ang natalupangdan nga wala sang cover ukon takup ang nasambit nga sanitary landfill nga peligroso sa ikaayong lawas.
Klaro man sa ila nga pag-inspeksyon suno kay Bonite nga nagalapas ini sa Ecological Solid Waste Management Act of 2000 ukon RA 9003.
