Plano sang Department of Environment and Natural Resources nga amligan ang tubtob 160-hectares seagrass beds nga nahamtang sa Tucad Reef, Pilar, Capiz.
Suno kay DENR-Capiz Provincial Director Dr. Ernest Federiso, importante nga ideklarar ang ini nga protected area agud mabuhinan ang pamahog sa isa sa pinakadako nga seagrass beds sa pungsod.
Ang seagrass nga may lokal nga pangalan nga lusay ang may kalaparon nga nagasakop sang apat ka barangay sa banwa sang Pilar.
Daku ang papel sini sa lokal nga ekonomiya sang lugar, ilabi na sa mga mangingisda.
Base sa monitoring, may yara sang pagnubo sa seagrass bed habitat bangud sang polusyon, sedimentation kag iban pa nga wala gina-regulate nga coastal activities sa lugar.
Ini ang naobserbahan pagkatapos nga ginpatigayon ang mga hilikuton sa pag-dive bilang kabahin sang detalyado nga pag-usisa sa Tucad Reef.
Ang DENR-Capiz padayon nga nagapakig-angot sa lokal nga gobyerno sang Pilar, Capiz Provincial Environment and Natural Resources Office, Bureau of Fisheries and Aquatic Resources kag iban pa nga mga stakeholders' para sa ginaduso nga conservation efforts.
