Naaprubahan na sang Philippine Health Insurance Corporation (PhilHealth) Board ang una nga preventive oral health care benefit package sang pungsod.
Masadya nga ginbalita ni Health Sec. Teodoro Herbosa nga sulod naman sa bag-o nga health benefits package ang pag-atipan sa ngipon.
Ang pag-apruba ang kadungan sang pungsod sa kauna-unahan World Health Organization Global Oral Health Meeting sa Bangkok, Thailand.
Sa idalum sini, sabat sang state health insurer ang tubtob sa P1,000 oral health benefit kada tuig para sa preventive oral care services sang mga miyembro.
P300 para sa una nga dalaw, sakop ang mouth examination/oral screening, oral prophylaxis (cleaning), kag flouride varnish application.
Samtang indi naman kalakip sa benefit package ang bunot, suno kay Department of Health (DOH) Asec. Albert Domingo.
Magamit naman ang benepisyo sini sa primary care facilities kasubong sang bag-o nga Urgent Care and Ambulatory Service (BUCAS), centers kag rural health units.
Target naman sang PhilHealth nga ipatuman ang nasambit nga dental services sa una nga quarter sang 2025.
