Gin-anunsyo sang Department of Justice nga plano nila nga i-request ang kanselasyon sang passport ni Atty. Harry Roque.
Kon sa diin plano sang nasambit nga departamento nga ipatuman ini kadungan sang mga isyu nga gina-atubang sang anay presidential spokesperson ni Former President Rodrigo Duterte nga yara subong sa The Netherlands.
Ini gid ang ginkumpirma ni Justice Secretary Jesus Crispin Remulla sang ginpamangkot angut sa sitwasyon sang kaso ni Atty. Harry Roque.
Sa karon yara sa guwa sang Pilipinas ang abogado, partikular sa Netherlands sa diin nagdangop ini sa gobyerno para sa asylum application.
Bilang resulta, ang Secretary sang Department of Justice nagpaambit nga kon ang pasaporte nga ginauyatan sang anay tigpamaba sang presidente lubos nga kanselahon, sia pagakabigon nga isa ka ‘undocumented alien’.
Suno sa iya magaresulta sa deportation ni Atty. Harry Roque kag igabalik sa pungsod kun sa diin ini ang nagapangatubang sang panumbungon.
Samtang, gin-ako naman ni Justice Secretary Jesus Crispin Remulla nga dapat anay tapuson ang proseso sang asylum antes matapos si Atty. mahimo nga dakpon ukon bug-os nga ibalik si Harry Roque.
Apang ginhatagan niya sang importansya nga indi magdugay antes ma-finalize ang asylum application sang abogado.
Si Atty Harry Roque ang gin-isyuhan sang arrest warrant sang Angeles City Regional Trial Court angut sa mga kaso nga ginapangatubang sini sa human trafficking bangud sa gina-alegar nga kahilabtanan sini sa iligal nga operasyon sang POGO.
