Gina-imbestigaran sang Department of Agriculture ang mataas nga presyo ang imported premium rice sa merkado.
Suno kay Department of Agriculture Spokesperson and assistant secretary Arnel de Mesa, ang maximum suggested price (MSRP) sa 5% broken sang imported premium rice ang dapat yara sa P45 per kilo lang apang nagalab-ot sa P58 per kilo ang presyo sini sa mga balaligyaan.
Pahayag pa niya, ang profiteering kag hoarding ang ginalantaw nga rason sang pagtaas sang presyo sang Anti-Agricultural Sabotage Council.
Samtang, nagapabilin nga mataas ang presyo sang lokal nga bugas.
Sa subong, ang pinakamanubo nga presyo sang local regular milled rice ang yara sa P38 kada kilo samtang ang pinakamataas ang yara sa P45 kada kilo.
Dugang pa ni De Mesa nga rasonable ang presyo sang lokal nga bugas bangud indi pa panahon sang pag-ani.
