Ginpahanumdom sang Department of Labor and Employment (DOLE) ang mga employers sang husto nga sweldo sa tion sang midterm elections sang Lunes, Mayo 12, nga gindeklarar nga special non-working holiday.
Suno sa ahensya, kwalipikado nga makabaton sang full pay kag dugang nga 30% sang basic wage ang mga empleyado nga magareport sa Lunes.
Ini ang sandig sa Presidential Proclamation No.878 nga ginpirmahan ni Presidente Ferdinand Marcos Jr.
Ang mga empleyado nga wala nagareport sa trabaho sa Mayo 12 ang napaidalom sa prinsipyo nga “no work, no pay” luwas kon may yara sang company policy, practice ukon collective bargaining agreement.
Para naman sa mga nagtrabaho sang sobra sa walo ka oras ukon overtime sa tion sang eleksyon ang magabaton sang dugang nga 30% sang ila hourly wage.
Samtang ang nagatrabaho sa gintalana nga adlaw sang pahuway ang kwalipikado nga makabaton sang dugang nga 50% sang ila basic wage sa una nga walo ka oras.
