ROXAS CITY – Ginapreparahan sa karon sang Department of Education (DepEd) Regional Office 6 ang nagahilapit nga pagbukas sang klase sa Agosto 24 sa pihak sang ginapangatubang sa karon nga coronavirus disease (COVID-19) pandemic.
Ini ang ginpahayag ni DepEd Regional Informational Officer Lea Belleza sang mainterview sang Bombo Radyo.
Suno kay Belleza nga bangud sa ‘new normal’, ang ikaayong-lawas sang mga manunudlo kag estudyante ang mangin prayoridad sa ila pagdihon sang Learning Continuity Plan.
Suno diri nga sa Learning Continuity Plan, may yara sila sang nanari-sari nga Learning Delivery Modalities nga himuon agud masiguro nga tayuyon sa gihapon ang edukasyon.
Ang mga Regional kag Division offices suno diri ang pahanugutan nga magpili sang LDM nga nagasantu kag nagakadapat base sa health situation sang lugar nga ila nasakupan.
