Nagapati ang Department of Education nga dako ang mabulig sang dugang nga mga dalan padulong sa mga buluthuan agud indi na mag-antos ang mga estudyante, manunudlo kag school personnel.
Bangud sini, nagpanawagan ang ahensya sa Department of Public Works and Highways kag lokal nga panguluhan nga pabaskugon ang ila kooperasyon sa pagtukod sang dugang nga mga dalanon, ilabi na sa malayo nga mga lugar.
Base sa ginsumiter nga proposal sang DepEd sa DPWH, ginrekomendar sini nga ilakip ang mga dalan pakadto sa eskwelahan sa nauna nga programming kag investment plans.
Partikular nga gintumod sang ahensiya ang mga bag-o nga buluthuan nga malayo sa dalanon.
Ginhatagan pagtamod ni Education Secretary Sonny Angara ang madasig nga kinahanglanon sa pagtukod sang dugang nga mga dalan pagkatapos nga magbisita sa mga eskwelahan sa geographically isolated nga mga lugar.
Suno sa iya, kinahanglanon ini agud mangin accessible ang mga eskwelahan sa mga estudyante, ilabi na sa mga malayo nga lugar.
