Ginpatigayon sang Department of Education (DepEd) Region 6 ang Regional Assembly of Education Leaders (RAEL) 2026 sa Iloilo Convention Center.
Sa interview sang Bombo Radyo kay Mr. Hernani Escullar Jr., spokesperson sang DepEd Region 6, iya ginpahayag nga ini ang una nga kahigayunan nga ginpatigayon ang amo nga aktibidad sa Western Visayas.
Suno kay Escullar, naglab-ot sa masobra 2,000 ka school leaders halin sa nagkalain-lain nga lugar sa Western Visayas ang nagpartisipar sa amo nga aktibidad.
Katuyuan sang RAEL 2026 amo ang mapasangkad pa ang mga eskwelahan sa tunga sang nagkalain-lain nga pagbag-o sa sistema sang edukasyon, lakip na ang pagpadayon sang mga inovation sa pagtudlo kag pagdumala sang mga eskwelahan.
Nahibaluan nga ginpatigayon ang nasambit nga aktibidad halin Agosto 18 tubtob Agosto 20, 2026.
