Deployment sa mga pulis sa nagahilapit nga misa dulom kasado na

ROXAS CITY – Preparado na ang mga kapulisan sa syudad sang Roxas sa palaabuton nga Misa dulom sa Disyembre 16 tubtob 24.

Suno kay Police Lt. Colonel Ricardo Jomuad Jr., magadeploy sang mga pulis sa mga simbahan nga ginalauman padulungan sang mga tumulu-ong katoliko ilabi na sa Roxas City Public Plaza nga malapit sa Immaculate Concepcion Metropolitan Cathedral.

Makit-an 24/7 ang presensya sang kapulisan sa mga simbahan agud masiguro nga mapabilin nga malinong kag matawhay ang  syudad sang Roxas sa adlaw sang misa dulom.

Nagapanugyan si Jomuad sa publiko nga likawan nga maglakat sa mga madulom nga lugar, likawan ang pagsuksok sang mga alahas kag pagdala sang dako nga kantidad sang kwarta.