Liwat nga ginpanugyanan sang Department of Information and Communications Technology ang publiko nga maghalong sa mga naglapta nga love scams subong nga holiday season.
Suno sa ahensya, bangud nababatyagan na ang nagahilapit nga paskwa, uso na naman ang love scam nga target makabiktima sang mga malamig ang pasko.
Sa nangin pahayag ni DICT Assistant Secretary Aboy Paraiso, ginsiling sini nga masami nga ginabiktima sang modus ang mga single nga nagapangita sang partner ukon jowa.
Ginganyat man sini ang publiko nga mangin mapagmatyag agud indi mabiktima sang kasubong nga modus.
Kag kun mabiktima , ugalion nga ipahibalo sa mga otoridad agud mahatagan sang aksyon.
Sa pihak sini, nagasalig naman si Paraiso nga mangin mapanuri ang mga Pilipino subong nga holiday season para indi mabiktima sang love scam.
