ROXAS CITY – Nagpahanumdum ang Department of Interior and Local Government (DILG-CAPIZ) sa mga punong barangay sa probinsiya nga indi magpati sa mga tawo nga indi kilala kag nagapakuno kuno nga mabuligan sila nga makakuha sang nominasyon para indi mapahalin sa ila nga posisyon, pananglitan nga indi madayun ang barangay elections sini nga tuig.
Ginkumpirma ni Clyne Deocampo, provincial director sang DILG-Capiz nga naglapta sa karon ang mga scammers nga tinutuyo magpanunto sa iya nga isigkapareho.
Nagpanindugan man ini nga wala sang otorisado nga indibidwal nga ginhatagan sang pahanugot nga mang-solicit sang kantidad sa mga punong barangay.
Suno pa kay Deocampo nga wala pa sila sang direktiba nga nabaton nga indi na madayun ang barangay elections, gani ginapalab-ot sini sa mga punong barangay nga indi magpatiplang apang padayun lamang nga himoon ang obligasyon.
