Nag-umpisa na ang pag-monitor sang Department of the Interior and Local Government (DILG) Region 6 sa mga Local Government Units (LGU) kaangut sa ginamandu nga pagpatuman sang Anti-Epal Policy.
Sa interview sang Bombo Radyo kay Atty. Junine Wednesday Java, Regional Legal Officer sang DILG Region 6, iya ginpahayag nga ang Anti-Epal Policy sa idalom sang DILG Memorandum Circular No. 2026-006 ang nagadumili sa pagbutang sang pangalan, litrato, ukon bisan ano nga personal nga palatandaan sang mga opisyal sa mga proyekto, programa, kag aktibidad nga ginpondohan sang gobyerno.
Suno kay Java, importante ang padayon nga pagpaathag kag orientation sa mga LGU agud malikawan ang mga paglapas kag maprotektahan ang interes sang katawhan. Dugang pa sang natungdan, ang sin-o man nga maglapas sa amo nga direktiba ang mahimo mapasakaan sang kaso administratibo kag criminal
