Director sang PNP chaplain service, nagbisita sa mga kapulisan sa syudad sang Roxas

ROXAS CITY – Ginpadulongan ni Police Brigadier General Jason D. Ortizo, director sang Philippine National Police (PNP) Chaplain Sevice ang Roxas Component City Police Station.

Ini bilang kabahin sang iya paglibot agud maghiwat sang pastoral visit sa pila ka mga police station sa pungsod.

Tinutuyo sang amu nga pagbisita amu ang mag-conduct sang worship services, counselling kag spiritual ukon moral matters sa mga katapo sang kapulisan.

Mainit man ini nga ginbaton sa Roxas City PNP, pinaagi sa ila hepe nga si PLt. Col. Aron Palomo.

Nahibaluan nga ginsug-alaw si PB/Gen. Ortizo ni Police Colonel Winston De Belen, director sang Capiz PPO, sa iya pag-abot sa Roxas City Airport.