ROXAS CITY – Gindismiss sang Comelec ang ginpasaka nga disqualification case kay Mayor Ronnie Dadivas sang provincial chairman sang PDP-Laban Mr. Essex Quintia.
Ba-se sa desisyon sang Comelec nga wala sang balasehan kag kulang ang merito sang ginpasaka nga kaso ni Quintia batuk kanday Dadivas kag anay Governor Antonio del Rosario.
Nag-ugat ang pagpasaka sang petition for disqualification ni Quintia kanday Dadivas kag del Rosario bangud sa ginaalegar paglapas ni anay Governor del Rosario sa Sections 66 kag 261 sang Batas Pambansa Blg. 881 ukon Omnibus Election Code bangud ginkuha ang serbisyo ni Dadivas bilang focal person pinaagi sa contract of service kasunod sang pagresign sini bilang provincial legal counsel matapos nga nagfile na sang iya Certificate of Candidacy sang Oktubre 15, 2018.
Ginapanindugan sang alkalde nga malisyoso kag politically motivated ang nasambit nga kaso.
