ROXAS CITY – Sigurado si outgoing Mayor kag sa karon Vice Mayor-elect Christopher Andaya nga doble-doble ang mangin progreso sang Sigma, sa tion nga magapungko ang nagakasugot nga alkalde kag bise-alkalde.
Sa interview sang Bombo Radyo kay Andaya, ginpahayag sini nga mabatyagan na sang Sigmahanon ang matuod-tuod nga serbisyo kag wala sang lakot pamulitika.
Nagalaum man ang Vice Mayor-elect nga bangud sa koneksyon ni Mayor-elect Dante Eslabon nga isa ka negosyante, sa bahin sang National, mangin mamag-an ang pagpangayo nila sang pondo para sa mga proyekto kag programa sa Sigma.
Dugangan pa suno diri nga kapartido nila ang magapungko nga Gobernador, kag bise-gobernador.
Ginpasiguro man sini nga yara lang ini sa likod ni Eslabon nga magaalalay sa tion nga kinahanglan ini sang bag-o nga alkalde.
Ginsiling man sa iya ni Eslabon nga plano sang Mayor-elect nga padayunon ang makita sini nga maayo nga proyekto sa ila banwa.
Mensahe ni Andaya sa mga Sangguniang Bayan member nga updan ang kawsa sang ila alkalde para sa ika-umwad sang bug-os nga Sigma.
