Ginpasiguro sang Department of Energy (DOE) kag sang US Grains Council (USGBC) ang ila padayon nga partnership para sa pagpasanyog sang biofuels sa Pilipinas.
Ini kasunod sang pagsinapol sang tunga sang DOE Undersecretary Alessandro O. Sales kag sang USGBC, nga nagatuyo nga mapabakod pa ang kooperasyon sang duha ka pungsod para sa pag-uswag sang sektor sang biofuels.
Sa amo nga pagsinapol ginpabutyag ang padayon nga suporta sang USGBC paagi sa teknikal nga bulig sa pagpasangkad sang kapasidad, kag paghatag sang suporta sa polisa kag produksyon sang feedstock.
Ginlakip man diri ang preparasyon para sa mas mataas nga target sa ethanol blending.
Sa subong, ang biofuel blending sa Pilipinas ginapatuman gamit ang lana sang lubi para sa biodiesel kag kalamay para sa bioethanol.
