Gin-endorso sang Department of Energy (DOE) ang 17 ka mga renewable energy projects sa National Grid Corporation of the Philippines (NGCP) agud ipaidalom sa system impact study (SIS), nga kinahanglanon agud mahibaluan kon bala masarangan sang grid ang dugang nga suplay sang kuryente.
Tubtob sa 3,800 megawatts (MW) ang mahimo nga mahatag sa grid sang mga proyekto, lakip ang hangin, solar, hydro kag battery energy storage systems (BESS) nga may kabug-usan nga 392 megawatt-hours.
Ang pinakadako sa listahan amo ang 1,246-MW wind project sang CI San Jose Corp. Lakip man ang iban pa nga dalagku nga proyekto pareho sang 500-MW San Roque OSW, 180-MWp Agrovoltaic solar, kag 192-MWh BESS sang Embrace Nature Power.
Sa kabug-usan, naglab-ot sa 78 ang SIS endorsements sang DOE subong nga tuig.
Naghatag man sang apat ka certificate of endorsement ang DOE sa ERC para sa solar kag diesel projects nga nagahulat sang permit to operate.
