DOE, preparado na sa tion nga magpadayon ang gyera sa Iran

Nagahanda na ang Department of Energy (DOE) sang ‘worst-case scenarios’ bangud sa nagapadayon nga kinagamo sa Middle East.

Suno kay Energy Secretary Sharon Garin, may yara na sila sang pagsinapol sa nagkalain-lain nga ahensya subong man sa pila ka mga oil companies.

Ginatun-an man nila ang mga pamaagi sa pag-atubang sa isa ka posible nga krisis.

Pila ka mga senaryo ang ila gin-istoryahan sa tion nga magpadayon ang nasambit nga kinagamo.

Ginpasalig man sini nga prayoridad nila sa gihapon ang pagsiguro nga may yara sang nagakaigo nga supply sang langis ang pungsod kag masarangan pa ini.