Fake news ukon wala sang kamatuoran ang nagalapta nga impormasyon sa social media nga may yara sang panibag-o nga international health concern ang nabalhag sang health experts sa iban nga pungsod.
Ini ang pag-athag ni DOH Asec Albert Domingo, kasunod sang social media post nga may kaangtanan sa ginapahayag epidemiya bangud sa nagataas nga respiratory illness sa China.
Ginpahayag sang opisyal nga gilayon sila nga nagpakig-angut, direkta sa World Health Organization (WHO) agud mahibaluan ang kamatuoran sa likod sang balita nga ini.
Diri suno nila natumod nga fake news ang impormasyon.
Ginmonitor man suno nila ang nasambit nga pungsod, kag nahibaluan nga wala man ini nagpaguha sang anoman nga health declaration.
Dugang pa sang tiglikom, kun may yara man sang health concern nga dapat mahibaluan sang publiko, gilayon ini nga iga-anunsyar sang DOH sa publiko.
