DOH kag DEPED, nagtingub sa pagpatuman sang Bakuna Eskwela

Nagtingub sa karon ang Department of Health kag Department of Education sa Ilocos Region para sa pagpatuman sang Bakuna Eskwela.

Ang nasambit nga programa ang nagatuyo nga mabakunahan ang nagdangat sa 165,000 estudyante humalin sa Grade 1 tubtob 7 sa mga pampubliko nga buluthuan sa nasambit nga rehiyon.

Ginhimo ni Regional Director Paula Paz Sydiongco ang pahayag sa ginhiwat nga press conference. Suno kay Sydiongco, may bastante nga bakuna para sa nasambit nga numero sang mga estudyante.

Paathag naman sang opisyal , ang Bakuna Eskwela ang isa ka school-based immunization program nga nagatuyo nga protektahan ang mga kabataan sa mga sakit.

Ginakalakipan ini sang mga balatian nga measles, rubella, diphtheria, kag human papillomavirus.

Ang Bakuna Eskwela ang alinsunod sa DOH National Immunization Program Department Memorandum No. 2024-250 ukon ang Interim Guidelines on the Resumption of School-Based Immunization (SBI) matapos ang Covid-19 Pandemic.