ROXAS CITY – Nagapahanumdom ang Department of Health (DOH) Capiz sa publiko nga indi magpakampante sa karon nga tinion apisar nga naganubo ang kaso sang nagapositibo sa COVID-19 sa probinsya.
Ini ang ginpahayag ni Mr. Joeffrey Espiritu, tagpamaba sang DOH-Capiz, sang mainterview sang Bombo Radyo.
Suno diri, naga-eksister sa gihapon ang makamamatay nga virus sa kalibutan, rason nga padayon ang pumuluyo sa pagsunod sang health protocol ilabi na ang pagsuksok sang face mask, social distancing kag magpabakuna, bangud ini gid lang ang makabulig likaw batuk sa virus.
Nagapati si Espiritu nga pinaagi sa pagnubo sang nagapositibo, kag pagtaas sang numero sang nagapabakuna ang isa sa mga yabe agud maabot ang ginahandum sang kadam-an nga makabalik sa normal nga pagpangabuhi.
Bangud sini, nagapangayo sang pagsuporta ang ahensya nga magbinuligay ang publiko para sa nasambit nga handum.
