Nag-apelar si Health advocate Doctor Tony Leachon kay President Ferdinand Marcos Jr. nga sipaon sa pwesto si Health Secretary Ted Herbosa kag ang liderato sang Philippine Health Insurance Corp. (PhilHealth).
Ang panawagan ni Leachon matapos hatagan sang zero budget sang Kongreso ang PhilHealth sa idalom sang pangpungsudnon nga pondo sa 2025.
Ginkwestyon sini kun ngaa ang minilyon nga Pilipino ang dapat silutan sa palpak kag mahina nga liderato sang PhilHealth nga si Herbosa man ang nagatindog nga chairman of the board kag President & CEO sang PhilHealth ang dapat pahalinon ni Marcos bangud sa indi pagpalawig sang mga benefit packages.
Ginpahayag pa ni Leachon nga indi dapat pagbasulon sang Kongreso ang PhilHealth bangud sa kapalpakan sini rason nga ginhatagan sang zero budget para sa 2025.
Dapat suno diri nga gingamit sang Kongreso ang ila nga oversight effort para sa implementasyon sang Universal Health Care (UHC) law.
Sa idalom sang 2024 National Expenditure Program (NEP) nga ginduso sang Executive Department, P74.431 billion ang ginpain sa PhilHealth para sa masunod nga tuig.
Apang suno kay Sen. Grace Poe, chairman sang committee on accounts, ang nasambit nga pondo para sa PhilHealth ang ginbutang sa iban nga sektor nga mas nga nagakinahanglan.
Una na nga ginpahayag ni Senate President Chiz Escudero nga bangud sa kapalpakan sang nasambit nga ahensiya rason nga ginhatagan ini sang zero budget bangud sa idalom sang UHC law may mandato ang PhilHealth nga “No Balance Billing” apang wala ini napatuman.
