Naka-record sang pito (7) ka kaso sang fireworks-related injuries ang Western Visayas gikan Disyembre 21 tubtob Disyembre 29, 2025, suno sa Department of Health (DOH)- Western Visayas Center for Health Development (CHD).
Ang amo nga numero ang yara sa 41 porsyento nga mas nubo kumpara sa kapareho nga tion sang tuig 2024.
Lakip sa mga biktima ang mga kabataan kag mga tigulang, nga nagapakita nga wala sang ginapili nga edad ang peligro nga ginadala sang paputok.
Ang boga amo ang nagapanguna nga kabangdanan sang injury nga may duha na ka kaso, ginasundan sang triangle, kwitis, whistle bomb, kag baby rocket, nga may tig-isa ka kaso.
Suno pa sa Department of Health, ang tanan nga pito ka kaso ang nahatagan na sang pagbulong kag nakapauli na sa ila tagsa ka mga balay.
Nagapanawagan man angnatungdan nga sa pagsaulog sang mga okasyon, ilabi na sa Bag-ong Tuig, mas unahon gid ang kaluwasan sang tanan likawan ang pagpalupok kag, maglantaw na lamang sang community fireworks displays, kag maggamit sang mas luwas nga alternatibo nga pampagahod.
